Ըստ Ալիևի` Հայաստանի լայնածավալ և արագացված զինումը և երկրին «մահաբեր» (չակերտները` խմբ.) զենքի մատակարարումը կարող է խաթարել այն խաղաղությունը, որը հնարավոր է երկու երկրի միջև:
Այս մասին ամանորյա ուղերձում հայտարարել է Ադրբեջանի նախագահ Իլհամ Ալիևը:
Իր ուղերձում Ալիևն ասել է, որ Հարավային Կովկասը պետք է դառնա խաղաղության, հանգստության և համագործակցության տարածաշրջան:
«Միշտ պետք է հաշվի առնել Հայաստանի ագրեսիվ քաղաքականությունն ու էությունը։ Հետևաբար ես իմ պարտքն եմ համարում ևս մեկ անգամ զգուշացնել Հայաստանի ղեկավարությանը, որ խուսափեն այս վտանգավոր ճանապարհից: Հայաստանն ի վիճակի չէ մեզ հետ մրցել ո՛չ ռազմական, ո՛չ որևէ այլ ոլորտում»,-ասել է նա:
