Նախիջևանի առանձին համազորային բանակի հրամանատար, գեներալ-մայոր Քյանան Սեիդովն այցելել է Թուրքիա:
Ըստ Ադրբեջանի ՊՆ-ի՝ նա հանդիպում է ունեցել Թուրքիայի ցամաքային զորքերի հրամանատար, բանակի գեներալ Սելջուկ Բայրաքթարօղլուի հետ։
Ինչպես հաղորդվում է՝ հանդիպման ընթացքում ընդգծվել է ռազմական, ռազմատեխնիկական և ռազմական ոլորտներում համագործակցության հետագա ընդլայնման, համատեղ մարտավարական, հատուկ վարժանքների անցկացման կարևորությունը, քննարկվել են այս ուղղությամբ առաջիկա աշխատանքը և փոխադարձ հետաքրքրություն ներկայացնող մի շարք այլ հարցեր։
Նշենք, որ նախօրեին էլ Անկարայում Ադրբեջանի Պետական սահմանապահ ծառայության ղեկավար Էլչին Գուլիևը հանդիպել էր Թուրքիայի ՊՆ ղեկավար Յաշար Գյուլերի հետ:
