Մոսկվան անում և անելու է ամեն ինչ՝ Ռուսաստանի, Հայաստանի և Ադրբեջանի միջև ձեռքբերված պայմանավորվածությունները կյանքի կոչելու համար։ Այս մասին հայտարարել է Ռուսաստանի ԱԳ նախարարի տեղակալ Միխայիլ Գալուզինը։
«Մոսկվան հետևողականորեն աջակցում է Հայաստանի և Ադրբեջանի միջև խաղաղության հաստատմանը, խաղաղության պայմանագրի կնքմանը և Հարավային Կովկասում բոլոր տնտեսական և տրանսպորտային կապերի բացմանը։ Մենք նաև հանդես ենք գալիս որպես կողմնակից հայ-ադրբեջանական սահմանի հնարավորինս շուտ սահմանազատման։ Հենց այս խնդիրների լուծմանն են ուղղված Ռուսաստանի, Հայաստանի և Ադրբեջանի ղեկավարների միջև ստորագրված եռակողմ պայմանագրերը։ Ռուսաստանն անում է և կանի հնարավոր ամեն ինչ դրանք կյանքի կոչելու համար»,- նշել է ՌԴ բարձրաստիճան դիվանագետը։
