Խմբակցությունը քաղաքական միավոր է և քաղաքական միավորն է որոշում իր անդամների վարքագծի հետ կապված հարցերը:
Այս մասին այսօր ԱԺ-ում ասել է ԱԺ պատգամավոր Խաչատուր Սուքիասյանը:
«Քաղաքական միավորը ունի տրամաբանություն, քաղաքական ինստիտուտում ամեն մեկը չի կարող անել այն ինչ ուզում է, եթե այդպես լինի, ապա պետությունն էլ այդպես կանի: Առաջինը քաղաքական անձինք պետք է կարգապահ լինեն»,- ասել է նա:
Լրագրողի դիտարկմանը, որ Սահմանադրությունը թույլ չի տալիս, որ վարչապետը պահանջի, որպեսզի մանդատը դնեն, պատգամավորը պատասխանել է. «Վարչապետը չի պահանջել, խնդրել է, խնդրել ցանկացած բան կարող է նաև վարչապետը, դուք որպես վարչապետ եք ասում, ես ասում եմ որպես կուսակցության առաջնորդ, կուսակցության առաջնորդի իրավունքներն այլ հարթակում են, վարչապետինը՝ այլ: Քաղաքական կուսակցության առաջնորդը պարոն Փաշինյանն է, նա կարող է և խնդրել և հորդորել: Եթե ավելի կիրթ, ավելի քաղաքակիթ, ավելի առաջադեմ մտածելակերպ ունենային՝ կընդունեին»:
