Այն, ինչ տեղի կունենա ուկրաինական ուղղությամբ մարտական շփման գծում, կորոշի Ռուսաստանի հետագա կյանքը։ Այս մասին Ռազմավարական զարգացման և ազգային նախագծերի խորհրդի նիստի ժամանակ հայտարարել է Ռուսաստանի նախագահ Վլադիմիր Պուտինը։
Նա, մասնավորապես, նշել է. «Բոլորս հասկանում ենք, որ այն, ինչ տեղի է ունենում մարտական շփման գծում, ռազմաճակատում, էապես որոշելու է մեր երկրի կյանքն առնվազն տարիների, գուցե և տասնամյակների կտրվածքով»:
Ըստ ՌԴ նախգահի՝ իրեն զարմացնում և միաժամանակ հիացնում է, որ ռուս մարտիկները հենց շփման գծում` մարտական պայմաններում են ստեղծում և կիրառում անօդաչուներ։
«Սա խոսում է այն մասին, որ մեզ մոտ այնպիսի միջավայր է ստեղծվել, որը նման խիզախ, հերոսական և միևնույն ժամանակ լավ պատրաստված մասնագետներ է գեներացնում»,-հավելել է Պուտինը:
