Եթե մենք ճնշեինք, Հովիկ Աղազարյանը շատ հանգիստ մանդատը վայր կդներ, լրագրողների հետ զրույցում ասաց «Քաղաքացիական պայմանագիր» խմբակցության ղեկավար Հայկ Կոնջորյանը։
Հարցին, թե խոսվում է Աղազարյանի պահվածքի մասին, սակայն ինչու երբ Ալեն Սիմոնյանը «թքում էր» քաղաքացու վրա, նրան չստիպեցին վայր դնել մանդատը կամ խմբակցությունից չհեռացրեցին՝ Կոնջորյանը պատասխանեց.«Նախ դրանք լրիվ տարբեր բաներ են, հետո էլ Ալեն Սիմոնյանն արդեն դրա համար բազմիցս ներողություն է խնդրել»։
Նա ավելացրեց, որ Աղազարյանի վրա ոչ մի ճնշում չի եղել.«Հիմա դուք, այլ կոնտեքստում կարող է լրիվ ուրիշ բան ասեիք, որ, օրինակ՝ չկարողացաք մի հոգու էլ ճնշել։ Այսինքն՝ որտեղ, ինչպես պետք է՝ այդ հանգամանքն օգտագործում եք։ Որևէ մեկի վրա ճնշում չի եղել»։
ՔՊ խմբակցության ղեկավարը վերջում հավելեց, որ եթե Նիկոլ Փաշինյանն իրեն խնդրի մանդատը վայր դնել, ինքը դա կանի։
