ԱՄՆ նախագահական ընտրություններում հաղթած Դոնալդ Թրամփը գովազդել է էքսկլյուզիվ կիթառներ, որոնք սահմանափակ քանակով  հանվել են  վաճառքի։ Կիթառների վրա փորագրված է Թրամփի նախընտրական արշավի  կարգախոսը՝ «Make America Great Again»՝ « Ամերիկան կրկին դարձնենք հզոր»։

«Շուտով՝ վաճառքում․ «45» սերիայի կիթառների սահմանափակ քանակով վաճառք, ընդամենը 1 300 հատ ակուստիկ և էլեկտրական կիթառներ, որոշների վրա՝ անձամբ իմ ստորագրությունը»,- Truth Social  սոցցանցի իր էջում կիթառներն այսպես է գովազդել Թրամփը։

Կիրթառներն արդեն վաճառքում են, 1 300 նմուշից 1 275-ն է վաճառվելու, Թրամփի ստորագրությունը միայն 275-ի վրա է լինելու, դրանցից վաճառվելու է 125-ը։ Կիթառների վրա, բացի Թրամփի կարգախոսից ու ստորագրությունից, փորագրված է նաև 45 թիվը՝ խորհրդանշող Թրամփի նախագահության նախորդ ժամկետը։  

Կիթառների արժեքն սկսվում է 1 000 դոլարից, Թրամփի ստորագրությամբ կիթառներն արժեն 10 000-ից 10 500 դոլար։