Ռուսաստանի Բելգորոդի մարզի Նիկոլսկոյե գյուղում և Կրասնայա Յարուգա ավանում ավտոմեքենաների վրա ուկրաինական դրոնների հարձակումների հետևանքով երկու մարդ է վիրավորվել: Այս մասին իր տելեգրամյան ալիքում հայտնել է՝ մարզպետ Վյաչեսլավ Գլադկովը:
«Բելգորոդի մարզի Նիկոլսկոյե գյուղում ԱԹՍ-ն հարձակվել է «Գազելի» վրա։ Արդյունքում վիրավորվել է մի տղամարդ»,- նշել է Գլադկովը:
Նրա տվյալներով՝ Կրասնայա Յարուգա ավանի շրջանում FPV-դրոնը հարձակվել է շարժվող մարդատար ավտոմեքենայի վրա։ Հարձակման հետևանքով վարորդը վիրավորվել է։
«Կրասնոյարուժսկի շրջանի Վյազովոյե գյուղում ԱԹՍ-ի հարձակման հետևանքով վնասվել է տան տանիք, ինչպես նաև մոտակայքում գտնվող առևտրային օբյեկտի ապակիները։ Վոզնեսենովկա գյուղի Շեբեկինսկի թաղամասում գտնվող ձեռնարկության կայանատեղիում դրոնի պայթյունի հետևանքով խոցվել է բեռնատար ավտոմեքենայի թափք: Նեժեգոլ գյուղում անօդաչու թռչող սարքի հարձակման հետևանքով վնասվել են մասնավոր տան պատուհանները»,-նշել է Գլադկովը:
