Բաքվում պահվող գերիների ու պատանդների այս գործերը ոչ թե հայերի, այլ միջազգային հանրության ձեռքում են։ Միջազգային հանրությունը շատ հարմարվողականությունը մի կողմ պետք է դնի և իր ձայնը բարձրացնի, խոսի պատանդների ու գերիների մասին. այս մասին «Ադրբեջանի ագրեսիայի ազդեցությունը շրջակա միջավայրի վրա» համաժողովի ժամանակ ասաց էկո ակտիվիստ Գրետա Թունբերգը:
Թունբերգը նշեց, որ իրազեկվածության մեծ պակաս կա, որի պատճառով շատ ակտիվիստներ և հայտնի մարդիկ լուռ են։
«Միևնույն ժամանակ, երբ մարդկանց ուղղակիորեն այդ խնդիրը չի առնչվում, մարդիկ միտված են ոչինչ չանելու»,-ասաց նա։
Անդրադառնալով COP29-ին, որտեղ որևէ մեկը չխոսեց գերիներից, քաղբանտարկյալներից ու մյուս խնդիրներից, էկո ակտիվիստը նկատեց՝ չի կարելի մոռանալ այն փաստը, որ Ադրբեջանում է անցկացվում։ «Ինչպես կարող է քաղհասարակությունը ճնշում գործադրի Ադրբեջանի վրա, այն դեպքում, երբ աշխարհի առանջնորդներն են այնտեղ, որոնք վախենում են որևէ այլ բան ասել, քանի որ կարող է պատժվեն»,-ասաց նա։
