Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինի հետ Կազանում քննարկել է հացահատիկային միջանցքի վերականգնման, ուկրաինական հակամարտությունում գերիների փոխանակման և Սև ծովի ականազերծման հարցերը։
Կազանից վերադառնալուց հետո լրագրողների հետ զրույցում Էրդողանը հայտարարել է, որ Վլադիմիր Պուտինի հետ հանդիպման ժամանակ համոզվել է, որ ակնկալիքներ կան՝ կապված գերիների փոխանակման հետ:
«Մենք ցանկանում ենք, որ երկու երկրի միջև խաղաղ բանակցությունները սկսվեն որքան հնարավոր է շուտ, և ցանկանում ենք ճանապարհ հարթել բարենպաստ արդյունքի համար: Մենք շարունակելու ենք անխոնջ աշխատել այդ նպատակին հասնելու համար»,- հավելել է Թուրքիայի նախագահը:
