Մոսկվայի Նիկուլինյան դատարանը ձերբակալել է ևս երկու անձի՝ ՌԴ էներգետիկայի նախարարության ղեկավարի տեղակալ Սերգեյ Մոչալնիկովի դեմ հարուցված քրեական գործով, որն առնչվում է ոչ եկամտաբեր հանքերի լուծարման ժամանակ միջոցների հափշտակության հետ։ Դրա մասին հայտնում է ТАСС-ի թղթակիցը։
«Դատարանը բավարարել է հետաքննության միջնորդությունը և Ասելդիր Ռաջաբովի նկատմամբ խափանման միջոց է ընտրել մինչև դեկտեմբերի 24-ը կալանավորումը», - ասված է դատարանում ընթերցված որոշման մեջ։ Նույն ժամանակահատվածում կալանավորվել է Նատալյա Կոնեևան։
Գործում ներգրավված են նաև Էներգետիկայի նախարարության փոխղեկավար Սերգեյ Մոչալնիկովը, Էներգետիկայի նախարարության նախկին փոխղեկավար Անատոլի Յանովսկին, Ռոբերտ Շահինյանը, «ԳՈՒՐՇ» դաշնային պետական բյուջետային հիմնարկի գլխավոր տնօրեն Անդրեյ Մոիսեենկովը, Սերգեյ Իգնատովը, «Шахтастрой» ընկերության սեփականատեր Օլեգ Ֆոկինը, «Еврострой» ընկերության տնօրեն և հիմնադիր Ջիվան Բարբարյանը:
Քննիչների վարկածով՝ մեղադրյալը պարբերաբար յուրացրել է բյուջետային միջոցները, որոնք հատկացվել են անհեռանկար և ոչ շահութաբեր ածխահանքերի և բաց հանքերի լուծարման աշխատանքների համար։ Նախնական հաշվարկներով՝ նրանք 76,6 միլիոն ռուբլի են հափշտակել։
