«Հարավ» խմբավորման զորքերը վերահսկողության տակ են վերցրել Դոնեցկի Զորյանոյե գյուղը, հայտնում է Интерфакс-ը՝ հղում անելով ՌԴ պաշտպանության նախարարությանը։

«Զորքերի «Հարավ» խմբավորման ստորաբաժանումների հաջող գործողությունների արդյունքում Դոնեցկի Ժողովրդական Հանրապետության Զորյանոյե գյուղն ազատագրվել է»,- ասվում է գերատեսչության հաղորդագրության մեջ։

ՌԴ ՊՆ հաղորդագրության համաձայն՝ տարածքներում վնասվել է Ուկրաինայի Զինված ուժերի 54-րդ մեքենայացված, 59-րդ մոտոհրաձգային, 3-րդ, 10-րդ լեռնային գրոհային բրիգադների և 119-րդ տեխնիկական պաշտպանության բրիգադի կենդանի ուժն ու տեխնիկան Կոնստանտինովկա, Կուրախովո, Նիկիֆորովկա և Զվանովկա բնակավայրերում։

«Հակառակորդի գրոհային խմբերի երկու հակագրոհները հետ են մղվել։ Ոչնչացվել է դաշտային զինամթերքի պահեստ։ Ուկրաինայի զինված ուժերի կորուստները կազմել են մինչև 830 զինվորական, երկու մեքենա և երկու «Էնկլավ-Ն» էլեկտրոնային պատերազմի կայան»,- հայտնում է ՌԴ ՊՆ-ն։