Կառավարության այսօրվա նիստում վարչապետ Նիկոլ Փաշինյանը հայտարարեց, թե այսքան տարի չեն նկատել, որ 1000 դրամով կարող են ՀՀ քաղաքացիություն ստանալ։
«Հետաքրքիր հանգամանք է, որ մենք չենք նկատում՝ մեր երկրում քաղաքացիություն ստանալու համար պետական տուրքը հազար դրամ է, հասկանո՞ւմ եք՝ խնդիրը փողը չէ, խնդիրը քաղաքացիությունն է։ Մենք սահմանել ենք՝ 1000 դրամ կարող ես տալ ու մեր երկրում քաղաքացիության համար դիմել»,- նշեց նա։
Վարչապետի խոսքով՝ կար ժամանակ, որ հազար դրամն ուրիշ թիվ է եղել, բայց այսքան տարի սա չենք նկատել ու նման հազարավոր բաներ, որ չենք նկատում։
«Սա կապված է պետության ու պետական ինստիտուտների նկատմամբ մեր ըմբռնման հետ։ Թվում է, թե մարդկանց լավություն ենք անում, բայց, չէ, լավություն չենք անում։ Այստեղ խորը պրոբլեմներ կան, որոնց հետ պետք է առերեսվենք»,- հավելեց Փաշինյանը։
