Wildberries ընկերության հիմնադիր Տատյանա Կիմը հայտնել է, որ իր նախկին ամուսինը՝ Վլադիսլավ Բակալչուկը, եւ նրա թիմը ընկերությանը զրկել են 37 մլրդ ռուբլուց եւ ապակայունացրել բիզնեսը։ Նա նաեւ նախկին ամուսնուն մեղադրել է հաքերային գրոհների կազմակերպման, կառուցվող պահեստների վրա հարձակումների եւ աշխատակիցներին սպառնալու մեջ, տեղեկացրել է «Կոմերսանտը»։
Ընկերության ղեկավարը թելեգրամ-ալիքի տեսաուղերձում պատմել է, որ Բակալչուկն իր գործողություններով գործադուլների ալիք է առաջացրել մարկետփլեյսի եւ Russ-ի միավորման առիթով 2023թ.։
Նրա կարծիքով՝ Բակալչուկի թիմը մեղավոր է Wildberries-ի բոլոր կառույցների սառեցման մեջ, նա «թալանել է ընկերությունը» եւ բիզնեսը դրել սպառնալիքի տակ։ Կիմն ընդգծել է, որ բոլոր հարցերը պետք է լուծել օրենքի շրջանակում, այլ ոչ թե դիմել «90-ականների մեթոդներին»։
