Ռուսաստանի և Իրանի նախագահներ Վլադիմիր Պուտինը և Մասուդ Պեզեշքիանն Աշխաբադում կայանալիք հանդիպմանը կքննարկեն Մերձավոր Արևելքում տիրող իրավիճակը: Այդ մասին հայտնել է ՌԴ նախագահի մամուլի քարտուղար Դմիտրի Պեսկովը․

«Նախ կքննարկվեն ռուս-իրանական երկկողմ հարաբերությունները։ Մենք բավականին սերտ հարաբերություններ ունենք ամենատարբեր ոլորտներում։ Իհարկե, Մերձավոր Արևելքում տիրող իրավիճակը չի կարող անտեսվել։ Դա նույնպես կլինի օրակարգում», - ասել է Պեսկովը՝ լրագրողներին։

«Լուրջ խոսակցություն է լինելու։ Սա առաջին հանդիպումն է», - ընդգծել է նա։