Կրեմլը բացասաբար է վերաբերվում Meta ընկերության կողմից RT-ի և «Ռոսիյա սեգոդնյա»-ի օգտահաշիվների արգելափակմանը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Շատ, շատ բացասական. սա Meta-ի բացահայտ վարկաբեկումն է, այսինքն՝ Meta-ն այդ գործողություններով վարկաբեկում է իրեն, և, իհարկե, նման ընտրողական գործողությունները ռուսական լրատվամիջոցների նկատմամբ անընդունելի են, այդ պատճառով մենք ծայրահեղ բացասաբար ենք վերաբերվում դրան։ Եվ դա, իհարկե, բարդացնում է Meta-ի հետ մեր հարաբերությունների կարգավորման հեռանկարները», - Պեսկովի խոսքերն է մեջբերում «ՌԻԱ Նովոստի» գործակալությունը։
Facebook-ի սեփականատեր Meta ընկերությունը սեպտեմբերի 16-ին հայտարարել է, որ արգելափակում էլ է RT-ի, «Ռոսիյա սեգոդնյա»-ի և այլ ռուսական պետական լրատվամիջոցների օգտահաշիվներն իր հարթակներում՝ նշելով, որ այդ լրատվամիջոցները խաբուսիկ մարտավարություն են կիրառել՝ համացանցում ազդեցություն տարածելու գաղտնի գործողություններ իրականացնելու համար։
