Իտալացի դատախազը շաբաթ օրը դատավորին խնդրել է 6 տարվա ազատազրկման դատապարտել «Աջերի լիգա» կուսակցության առաջնորդ Մատեո Սալվինիին՝ 2019 թվականին ավելի քան 100 միգրանտների մուտքը երկիր արգելափակելու որոշման համար, հայտնում է Reuters-ը։

Սալվինին, ով այն ժամանակ ներքին գործերի նախարարն էր և ներկայումս Ջորջիա Մելոնիի կառավարության փոխվարչապետն ու տրանսպորտի նախարարն է, մեղադրվում է առևանգման մեջ և սպասում է դատավճռին՝ կապված իր որոշման հետ, որը միգրանտներին արգելափակել է ծովում, որից հետո դատախազությունը հրամայել է գրավել նրանց նավը և տարհանել նավի վրա գտնվող մարդկանց։

Շաբաթ օրը Սիցիլիայի մայրաքաղաք Պալերմոյում տեղի ունեցած լսումների ժամանակ դատախազը կոչ է արել բանտարկել Սալվինիին: Վերջնական որոշումը կայացնում է ավագ դատավորը՝ եռաստիճան դատավարության ավարտին: Վերջնական դատավճիռը կարող է Սալվինիին զրկել պետական ​​պաշտոն զբաղեցնելուց:

 Մելոնին, ով իշխանության է եկել 2022 թվականին, խոստացել է պայքարել Հյուսիսային Աֆրիկայից միգրանտների չարտոնված ժամանումների դեմ՝ խստացնելով ներգաղթի մասին օրենքները, սահմանափակելով ծովային փրկարարական բարեգործական կազմակերպությունների գործունեությունը և Ալբանիայում  միգրանտների ընդունման ճամբարներ կառուցել պլանավորելով: Միևնույն ժամանակ, այն հարյուր հազարավոր միգրանտների համար դուռ է բացել օրինական աշխատելու Իտալիայում՝ ձգտելով լրացնել երկրի աշխատուժի պակասը և կանգնեցնել միգրանտների մաքսանենգներին: Ներքին գործերի նախարարության տվյալները ցույց են տալիս, որ 2024 թվականին ծովով Իտալիա ժամանած անօրինական միգրանտների թիվը մոտ երկու երրորդով ցածր է նախորդ տարվա նույն ժամանակահատվածի համեմատ՝ 44,675: