Տավուշեցի լրագրող Ոսկան Սարգսյանը ահազանգում է․

«Միջպետական ճանապարհի շատ հատվածներ քանդված են, սարքող չկա

Հայաստան-Վրաստան միջպետական ավտոճանապարհի Դիլիջան համայնքի հատվածում, Դիլիջանի «Գետափ» ռեստորանի մոտ ճանապարհի եզրը մեծ երկարությամբ քանդված է։ Քանդված հատվածը ժապավենով մեկուսացված է, սակայն դա չի կարող խանգարել, որ խոշոր մի բեռնատար, կամ այլ ավտոմեքենա ընկնի իջվածքի մեջ։ Նման քանդված մեծ հատված կա նաև միջպետական ավտոճանապարհի Թեղուտ գյուղի եզրով ձգվող տարածքում։ Մայիսի 25-26-ին տեղացած անձրևներից վարարած Աղստևը շատ տեղերում վնասել է միջպետական ավտոճանապարհը, սակայն ճանապարհի եզրին, գետափնյա քանդված տեղերը դեռ չեն նորոգել։ Այդ ճանապարհը սպասարկում է «Քյավառ սերվիս» ՍՊԸ-ն։ 

Վարչապետ Նիկոլ Փաշինյանը օգոստոսի 10-ին Իջևանում կայացած ֆեստիվառին մասնակցելու համար հեծանիվով կամ ավտոմեքենայով անցել է այդ ճանապարհը, նա պետք է հանձնարարական տար՝ նորոգել քանդված հատվածները։ Սակայն ճանապարհի քանդված հատվածները չեն նորոգել»։