Սարիգյուղում Կառավարության «Փոքր և միջին «Խելացի» անասնաշենքերի կառուցման, վերակառուցման և դրանց տեխնոլոգիական ապահովման» ծրագրով հիմնվել է անասնաշենք, որի արժեքը 23 մլն դրամ է: Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը՝ նշելով, որ պետության կողմից ֆերմերը ստացել շուրջ 16.1 մլն դրամի փոխհատուցում։
«Անասնաշենքը նախատեսված է 20-25 գլուխ խոշոր եղջերավոր կենդանիների համար։ Այս պահին կաթնատվությունն օրական 22-23 լիտր է։ Հաշվի առնելով բարձր որակը՝ 1լ կաթը մթերվում է 300 դրամով»,- գրել է նա։
