ԱՄՆ նախկին նախագահ Դոնալդ Թրամփը Աստծո պարգեւ է համարում այն, որ խուսափել է մահից Փենսիլվանիայում մահափորձի ժամանակ: Այս մասին հայտնում է The Washington Post-ը՝ հղում անելով իր աղբյուրին։
Պարբերականի զրուցակցի խոսքով, ով վերջին 12 ժամում զրուցել է հանրապետականի հետ, Թրամփի ոգին բարձր է: «Նա հավատում է, որ Աստծուց նվեր է ստացել։ Նա չի կարողանում հավատալ դրան», - մեջբերում է պարբերականը նրա խոսքերը։
Աղբյուրը նաև նշել է, որ ամերիկացի նախկին առաջնորդը սպասում է իր համախոհների միասնությանը Միլուոքիում (Վիսկոնսին) Հանրապետական կուսակցության համագումարում, որը մեկնարկում է հուլիսի 15-ին։
