Պաղպաղակի փառատոնը Երազ այգում 12 հուլիսի, 2024 ք.Երևան Հուլիսի 12-ին, ժամը 17:00-ին «Երազ» այգին սիրով հրավիրում է բոլորին մասնակցելու տարվա ամենահամեղ ու ամենագունեղ` «Պաղպաղակի» փառատոնին։

Բոլորին սպասվում է զվարճանքներով ու շոու ծրագրերով հագեցած, անակնկալներով լի, քաղցրաշատ օր։ Լինելու են ժամանցի հետաքրքիր տաղավարներ, համերգային շոու ծրագիր, խաղեր, մրցույթներ և մրցանակներ։

Փառատոնի ընթացքում պաղպաղակի արտադրության ոլորտում տեղական ամենահայտնի ընկերությունները կներկայացնեն իրենց արտադրատեսակները՝ հնարավորություն ընձեռելով մասնակիցներին համտեսելու ամենաբազմազան և ամենատարբեր համերի պաղպաղակներ։

Փոքրիկ հյուրերին կդիմավորեն այգու ամենասիրելի հերոսները, ամենաբարի խաղավարները, իսկ երգերը, պարերն ու շոու-ծրագրերը կապահովեն երեխաների ակտիվ և անմոռանալի ժամանցը։ Ողջ օրվա ընթացքում գործելու են այգու բոլոր ծառայությունները։

Այգու ՄՈՒՏՔՆ ԱԶԱՏ Է Հուլիսի 12-ին, 17։00-ին դեպի Երազ, դեպի անմահական պաղպաղակի աշխարհ․․․