Հայաստանի հետ հարաբերություններում մենք ձգտում ենք նոր տնտեսական հնարավորություններ դիտարկել: Այս մասին, այսօր՝ հունիսի 17-ին, Տեղական ժողովրդավարության հարցերին նվիրված հայ-ամերիկյան համաժողովի ժամանակ իր ելույթում նշեց ԱՄՆ պետքարտուղարության Կոմերցիոն և բիզնես հարցերով հատուկ ներկայացուցիչ Սառա Մորգենթաուն:
«Մենք ուզում ենք կայուն, փոխշահավետ գործարքներ, եւ արդեն ամուր տնտեսական կապեր ունենք: Առեւտուրը Հայաստանի եւ ԱՄՆ-ի միջեւ 2020-ից ի վեր եռապատկվել է 96 մլն-ից դարձել է 300 մլն դոլար 2023-ին: Մենք այստեղ ենք աշխատելու ձեզ հետ այդ հաջողությունները առավել առարկայական դարձնելու համար: Երիտասարդ ձեռներեցները, որ այստեղ ներկա են, շատ ակտիվ են: Ինչպես ասել ՝ պետքարտուղար Բլինքենը, մենք ուզում ենք, որ Հայաստանը լինի ամուր, անկախ եւ խաղաղ իր հարեւանների հետ: Մենք ուզում ենք ամրապնդել տնտեսական կապերը Հայաստանի հետ առեւտրի եւ ներդրումների միջոցով: Առաջիկա մի քանի օրերին ես փորձելու եմ ուսումնասիրել Հայաստանի հետ հետագա անելիքները, որը ճանապարհ կհարթի մեր հետագա բարեկեցության համար»,-ասաց նա:
