Գերմանիայի կանցլեր Օլաֆ Շոլցը կարծում է, որ Ուկրաինայի վերաբերյալ ՌԴ նախագահ Վլադիմիր Պուտինի առաջարկը լուրջ չէ և չի կարող աշխատել։ Այս դիրքորոշումը նա հայտնել է Իտալիայում, որտեղ կայացել է Յոթնյակի գագաթնաժողովը, հայտնում է ZDF հեռուստաալիքը։
«Բոլորը գիտեն, որ այս առաջարկը լուրջ չի արվել, այլ կապված էր Շվեյցարիայի խաղաղության կոնֆերանսի հետ»,- ասել է Շոլցը։ «Այս առաջարկը չի կարող աշխատել»,- ասել է կանցլերը՝ հավելելով, որ աշխարհն Ուկրաինայի հանդեպ պետք է լինի «արդար և ազնիվ»։
