«Ես Բաղանիսում էլ, Կիրանցում էլ, Ոսկեպարում էլ այդ միտքը արտահայտել եմ։ Ես, նախ մարդկանցից ներողություն եմ խնդրում այդ էմոցիոնալ ապրումների համար, որը պատճառվում է և շնորհակալություն եմ հայտնում, որ, թեկուզ դժվար, բայց այնուամենայնիվ այդ ըմբռնումը ձևավորվում է»։ Այս մասին այսօր Կիրանցի նոր կառուցվող ճանապարհի հատվածում ասաց վարչապետ Նիկոլ Փաշինյանը՝ պատասխանելով «Ազատության» թղթակցի հարցերին։
Լրատվամիջոցի հետ զրույցում Փաշինյանը ընդգծեց. «Շատ կարևոր է արձանագրել, որ այդ գործընթացի շրջանակում ՀՀ ինքնիշխան տարածքի ոչ մի միլիմետր հող չի թողնվում սահմանից այն կողմ»։
