Երթը հանրային արձագանքն է, որ կա այս իշխանության նկատմամբ. այն վերաբերմունքի, նրանց ստախոսությունների արկածախնդրության քաղաքականության նկատմամաբ ինքնին ցուցիչ է: Այս մասին այսօր՝ մայիսի 7-ին, Կիրանց-Երևան «Տավուշն հանուն հայրենիքի» երթի ժամանակ ասաց ԱԺ «Հայաստան» խմբակցության պատգամավոր Գեղամ Մանուկյանը:
Նա հայտնեց, որ Բագրատ Սրբազանի առաջնորդած շարծմանը միացել են շատ մարդիկ, որոնք նախկինում չեն մասնակցել դիմադրության շարժմանը, ինչը մեծացնում է շարժման ուժը։
Անդրադառնալով իշխանությունների քարոզչական թեզին, թե Սրբազանի առաջնորդած շարժումը պատերազմի կհանգեցնի, Մանուկյանն ասաց. «Այն ինչ անում է Փաշինյանը, եթե կյանքի կոչվի, ապա իրական պատերազմի սպառնալիքը դա է»։
Պատգամավորը հայտնեց, որ ընդդիմությունը մանրամասն ներկայացրել է այլընտրանքային տարբերակը, որ սահմանազատում և սահմանագծում միայն 100% համաձայնությամբ և սահմանի ամբողջ երկայքով պետք է արվի։
«Ամբողջական սահմանազատում իրականացնելու պահանջը, որ կա հանրության մոտ, իշխանությունը մերժում է: Բնականաբար, հետեւություններ են արվելու, հնչելու են պահանջներ, սպասենք մայիսի 9-ին:
Այն, ինչ անում է իշխանությունը, այդ կռճոն-կռճոն սահմանազատումները Հայաստանին կանգնեցնում են պատերազմի առաջ: Չի կարող մի հատվածում լինի սահմանազատված սահման, կանգնի սահմանապահը, իսկ հսկայական հատվածներում օկուպացված մնան Հայաստանի սուվերեն տարածքները: Աշխարհում չկա նման սահմանազատում, սա կապիտուլյացիա է, որ անուն է Նիկոլ Փաշինյանը»,-ասաց նա:
