«Հայկական բժշկական ինստիտուտ»-ի թերապևտիկ ստոմատոլոգիայի դասախոս Լուսինե Չոբանյանի նախաձեռնությամբ և ղեկավարությամբ երրորդ կուրսի «ստոմ.Ֆակուլտետի» ուսանողները սկսել են հետազոտական աշխատանքներ իրականացնել դպրոցներում` 12֊14 տարիքային խմբերում։ Երեկ տեղի է ունեցել առաջին այցը, որի շրջանակներում հետազոտվել են 7֊րդ դասարանի թվով 86 աշակերտ։ Հետազոտման նպատակն է բացահայտել կարիեսով և նրա բարդություններով ախտահարված ատամների քանակը և հատուկ բանաձևերի օգնությամբ որոշել կարիեսի համաճարակաբանական ցուցանիշները (կարիեսի տարածվածությունը և ինտենսիվությունը)։ Հետագայում պլանավորվում է իրականացնել կարիեսի կանխարգելմանն ուղղված սանիտարալուսավորչական աշխատանքներ