«Ծափերի, Յարխուշտայի ու «Ձայն մը հնչեց»-ի ներքո հայ ժողովուրդն այսօր հավերժություն ճանապարհեց իր արժանավորագույն զավակներից մեկին՝ Գագիկ Գինոսյանին, մարդու, ում ողջ կյանքը նվիրում է եղել. զենքը ձեռքին կռիվ հայրենի հողն ու ժողովրդին պաշտպանելու համար, ազգային երգն ու պարը ժողովրդականացնելով՝ մատաղ սերնդի մեջ ազգային ինքնության նոր զարթոնք։ Նրա կյանքն ու մահը նվիրումի իսկական օրինակներ են», - ֆեյսբուքյան իր էջում գրում է «Համախմբում» շարժման խորհրդի անդամ, հասարակական գործիչ Մենուա Սողոմոնյանը։
Նկարում Գագիկ Գինոսյանն ու ԵՊՀ երջանկահիշատակ դասախոս, ֆիզմաթ գիտությունների դոկտոր Վալերի Պախալովն (Բաղկալյանց) են։
