Բեյրութում թափառաշրջիկ ու մուրացիկ կին է մահացել, սակայն նրա մահից հետո պարզվել է, որ նա գաղտնի միլիոնատեր էր։ 52-ամյա Ֆաթիմա Օտմանը երկար տարիներ մուրացիկությամբ է զբաղվել ու ապրել կիսաքանդ մի մեքենայում։ Հենց այդ մեքենայում էլ հայտնաբերվել է կնոջ դին, ով, նախնական վարկածով, մահացել է սրտի կաթվածից։ Մեքենայից հայտնաբերել են մոտ 4 հազար դոլար, իսկ հետո պարզել, որ կնոջ հաշվեհամարին ավելի քան մեկ միլիոն դոլար կա, հայտնում է An-Nahar-ը։ Հասկանալի չէ, թե անտուն կինն ինչ եղանակով է նման գումարներ կուտակել կամ ինչու չի ծախսել դրանք՝ շարունակելով մուրացկանություն անել։