«ԱՄՆ-ն ողջունում է Հայաստանի և Ադրբեջանի միջև հարաբերությունների կարգավորման գործում Թուրքիայի արդյունավետ դերը»։ Այդ մասին ճեպազրույցում ասել է ԱՄՆ պետքարտուղարության խոսնակ Մեթյու Միլլերը․
«Այս թեման ԱՄՆ պետքարտուղար Էնթոնի Բլինքենի և Թուրքիայի արտգործնախարար Հաքան Ֆիդանի միջև բոլոր քննարկումների թեմաներից է։
Մենք ողջունում ենք Թուրքիայի արդյունավետ դերակատարությունն այս հարցում, համաձայն ենք Թուրքիայի արտգործնախարարի այն խոսքերի հետ, որ խաղաղություն հնարավոր է։
ԱՄՆ-ն աջակցում է Հայաստանի և Ադրբեջանի միջև ուղիղ բանակցություններին» - ասել է Միլլերը։
