Վարչապետ Նիկոլ Փաշինյանին անհանգստացնում են կոռուպցիոն երևույթների ակտիվացման մասին լուրերը:
«Դրանք հիմնավորվում են մի շարք կոնկրետ բացահայտումներով, բայց պետք է նաև արձանագրեմ այլոց շարքում նաև ձգձգվող դատավարությունները։ Պատժի անխուսափելիության ընկալման բացակայությունն է պարարտ հող ստեղծում կոռուպցիոն երևույթների ակտիվացման համար», - ԱԺ-ում այս մասին հայտարարեց նա:
Վարչապետի խոսքով` հակակոռուպցիոն պայքարում առանցքային դեր ունեն կառավարությունն ու խորհրդարանական մեծամասնությունը, ովքեր պետք է շարունակեն կոռուպցիայի դեմ պայքարը, դրա կանխարգելման համար լրջագույն մեխանիզմների ներդրման աշխատանքները:
Նա հայտարարեց` Հայաստանում անձեռնմխելի մարդիկ չկան, բոլորն օրենքի առաջ հավասար են: «Ու սա անձամբ իմ քաղաքական կամքն է»,- շեշտեց վարչապետը:
