Վարչապետ Նիկոլ Փաշինյանն այսօր խոստովանեց՝ ժողովրդի առաջ ստանձնած պարտավորությունները չեն կատարել։
«Եկեք ասենք՝ մենք մեր ժողովրդի առաջ ստանձնած պարտավորությունները չենք կատարել», - կառավարության նիստում այս մասին ասաց նա։
Փաշինյանը դժգոհեց իրավական ոլորտի աշխատանքից. քրեական գործերի մասով բացահայտումները չեն բավարարում։ «Չի կարող այս պրոցեսն անվերջ լինել», - նշեց նա։
Վարչապետը հայտարարեց, որ Հայաստանում այսօր հակակոռուպցիոն պայքարը պատշաճ մակարդակի վրա չի գտնվում։ «Կաշառք են վերցնում ով որտեղ պատահի», - նշեց Փաշինյանը։
