Երևանի ավագանու նիստում լարված իրավիճակ ստեղծվեց, ինչի պատճառով քաղաքապետ Տիգրան Ավինյանը խնդրեց ընդմիջել նիստը և անջատել ուղիղ հեռարձակումը։
«Սիրելի՛ երևանցիներ, ավագանու հարգելի՛ անդամներ, ես ցավում եմ նման միջադեպի համար, ինձ մեղավոր եմ համարում դրա համար, որովհետև չեմ կարողացել դա կանխել` որպես նիստը վարող», - հայտարարեց Ավինյանը՝ խնդրելով նիստը տեղափոխել և աշխատանքները շարունակել վաղն առավոտյան։
Նշենք, որ ավելի վաղ Երևանի ավագանու նիստի ժամանակ վիճաբանեցին «Հանրապետություն» խմբակցության ղեկավար Անի Խաչատրյանը և «Մայր Հայաստան» խմբակցության անդամ Սոնա Աղեկյանը: Խաչատրյանի ելույթը ընդհատելու համար վերջինս նրան «կոյուղաջրերի թագուհի» անվանեց, որից հետո Աղեկյանը Խաչատրյանի վրա ջուր լցրեց, սկսվեց քաշքշուք: