Քաղաքացիները բարձր ակտիվություն են ցուցաբերում «ՀայաՔվե»-ին, լրագրողների հետ հանդիպմանն ասաց նախաձեռնության համակարգող Ավետիք Չալաբյանը:
Նա, սակայն, հայտարարեց, թե մարզերում, հատկապես Տավուշում ու Վայոց ձորում, մարդկանց ահաբեկում են, ասում են` եթե միանաք «ՀայաՔվե»-ին, կազատվեք աշխատանքից:
«Ես կարծում եմ, որ դա արդյունք չի ունենալու, վախի մթնոլորտը, որ ստեղծել է այս իշխանությունը, մեր աչքի առաջ ջարդվում է: Մենք տեսնում ենք, թե ինչ արագությամբ է տեղի ունենում մոբիլիզացիա «ՀայաՔվե»-ի շուրջ», - նշեց Չալաբյանը:
Ըստ նրׇա` իշխանությունը սարսափած է «ՀայաՔվե»-ից:
Չալաբյանը հակադարձեց ՔՊ-ականների կողմից տարածված թեզին, թե «ՀայաՔվե»-ն տանում է դեպի պատերազմ:
«Պատերազմի միակ մեղավորն այս իշխանությունն է, նրանք հրահրեցին 44-օրյա պատերազմը»,- ասաց Չալաբյանը:
