ՀՀ պաշտպանության նախարարի տեղակալ Արման Սարգսյանի գլխավորությամբ տեղի է ունեցել 2024 թվականին Երեւանում կայանալիք ըմբշամարտի զինվորականների աշխարհի առաջնության նախապատրաստման եւ անցկացման նպատակով ստեղծված միջգերատեսչական հանձնաժողովի անդրանիկ նիստը:

Պաշտպանության նախարարության հաղորդմամբ՝ հանձնաժողովում ընդգրկված գերատեսչությունների ներկայացուցիչները, ինչպես նաեւ հրավիրված մասնագետները հանդես են եկել առաջարկներով: Սահմանվել են առաջիկա աշխատանքները եւ դրանց կատարման ժամկետները: