Irakanum.am-ի ունեցած տեղեկություններով ԱԺ ՔՊ խմբակցության ղեկավար Հայկ Կոնջորյանը և քարտուղար Արթուր Հովհաննիսյանը շրջանառության մեջ են դրել ԱԺ Մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանի լիազորությունները դադարեցնելու վերաբերյալ ԱԺ նախագիծ:
Հիշեցնենք, որ այդ նախագծի մասին առաջին անգամ խոսել էր ՔՊ-ական Հովիկ Աղազարյանը: Նա խմբակցության պատգամավորների շրջանում իրականացրել էր ստորագահավաք։ Իսկ նախագիծը ՔՊ խմբակցությունը ներկայացրել է այն բանի համար, որ ԱԺ ՄԻՊ հանձնաժողովում՝ ՀՀ Մարդու իրավուքների պաշտպանի ընտրության օրը, Թագուհի Թովմասյանը չի արգելել ՄԻՊ թոկնածու Էդգար Ղազարյանին ադրբեջանաթուրքական հեղափոխության մասին խոսել, բայց թե ինչպես պետք է արգելեր հայտնի չէ:
Մեր տեղեկություններով ՔՊ մեծամասնությունը հակված չէ Թագուհի Թովասյանին այդ պաշտոնից հեռացնել, հատկապես, որ հանձնաժողովի ղեկավարումը միևնույնն է ընդդիմադիր խմբակցություններին է հատկացված։
