Ադրբեջանի ԱԳՆ-ն պատասխանել է ՀՀ վարչապետ Նիկոլ Փաշինյանի՝ կառավարության նիստում հնչեցրած հայտարարություններին:
«Անհեթեթ» են որակել վարչապետ Փաշինյանի հայտություններն առ այն, որ Ադրբեջանի՝ Լաչինի ճանապարհի ապօրինի շրջափակումը խախտում է ՄԱԿ-ի Միջազգային դատարանի որոշումը․
«Մեկ անգամ ևս հիշեցնում ենք Երևանին, որ հենց հունիսի 15-ին Լաչինի սահմանային անցակետում Հայաստանի զինված ուժերի սադրանքն էր, որ խանգարեց քաղաքացիական անձանց անվտանգ անցումն անցակետով»,- նշվում է հաղորդագրության մեջ․
Ադրբեջանական կողմը կրկին հերքում է արցախահայերի՝ հումանիտար ճգնաժամում հայտնվելու փաստը.
«Ադրբեջանը վճռական է իրականացնել համապատասխան անհրաժեշտ միջոցառումներ՝ Ղարաբաղի հայ բնակիչների վերաինտեգրման ուղղությամբ։ Հայաստանն այս հարցը օգտագործում է խաղաղ գործընթացը շահարկելու և խոչընդոտելու նպատակով։ Հայտարարությունը, թե Հայաստանը խաղաղության հաստատման համար բոլոր ջանքերը գործադրող կողմ է, անկեղծ չէ»,- ասվում է հայտարարության մեջ։
