Ադրբեջանի նախագահ Իլհամ Ալիևը կնոջ՝ փոխնախագահ Մեհրիբան Ալիևայի հետ այցելել է Արցախի՝ ներկայում օկուպացիայի տակ գտնվող Շուշի քաղաք: Այս մասին հայտնել են ադրբեջանական լրատվամիջոցները: 

Նրանք  ծանոթացել են Ահմեդբեյլի-Վարանդա (Ֆիզուլի) -Շուշի ավտոճանապարհի 66-81 կիլոմետրում իրականացվող աշխատանքներին։

Նշենք, որ մայիսի ութին նշվում է Շուշիի ազատագրման օրը (հայտնի է նաև Հարսանիք լեռներում ռազմագործողություն): Այն տեղի է ունեցել 1992 թվականի մայիսի 8-ից 9-ը Արցախի Հանրապետության Շուշիի շրջանի Շուշի քաղաքում և բնակավայրի մատույցներում և իրականացվել է հայկական զինված ուժերի, այդ թվում՝ կամավորական ջոկատների կողմից։