Ապրիլին պարենի համաշխարհային գները տարվա ընթացքում առաջին անգամ բարձրացել են շաքարավազի, մսի եւ բրնձի գնանշումների ֆոնին։ Այս մասին վկայում է ՄԱԿ-ի Պարենի եւ գյուղատնտեսության կազմակերպության (FAO) ուրբաթ հրապարակված պարենային ապրանքների գների ինդեքսը։
Նշված ինդեքսը արտացոլում է հիմնական պարենային ապրանքների միջազգային գների ամսական փոփոխությունները։ Անցած ամիս ցուցանիշը կազմել է 127,2 կետ, ինչը 0,6 տոկոսով բարձր է, քան մարտին։ Ինդեքսը 19,7 տոկոսով ցածր է 2022 թվականի ապրիլի մակարդակից, սակայն 5,2 տոկոսով բարձր է 2021 թվականի ապրիլի համեմատ։
Միաժամանակ փորձագետները մարտի համեմատ հացահատիկի գների ընդհանուր ինդեքսի 1,7 տոկոսով նվազում են արձանագրում։
