ԱՄՆ ուրախ է Հայաստանի և Ադրբեջանի արտգործնախարարներին հյուրընկալելու և բանակցություններին աջակցելու համար, այս մասին հայտարարել է ԱՄՆ պետքարտուղարության խոսնակի առաջին տեղակալ Վեդանտ Պատելը։
«Պետքարտուղար Բլինկենը պատիվ ունեցավ ողջունելու արտաքին գործերի նախարարներին ընթրիքի ժամանակ և ներկա գտնվել Ջորջ Պ. Շուլցի անվան արտաքին գործերի ուսումնական կենտրոնում լիագումար նիստի բացմանը: Պետքարտուղարը կարծում է, որ ուղիղ երկխոսությունը խնդիրների լուծման և տևական խաղաղության հասնելու բանալին է»,– ասել է Պատելը։
Նա նշել է, թե պետքարտուղարը կարծում է, որ ուղիղ երկխոսությունն առանցքային է խնդիրների լուծման և կայուն խաղաղության հասնելու համար: Նա խորապես ներգրավված է եղել այս գործում:
Անդրադառնալով բանակցությունների հնարավոր հաջողությանը, Պատելը նշել է, որ դա, ի վերջո, պետք է որոշեն երկու երկրները, և ԱՄՆ-ն ձգտում է «այս երկու երկրների միջև խաղաղության և կայունության Լեռնային Ղարաբաղի տարածաշրջանում»:
Նշենք, որ ԱՄՆ պետքարտուղար Էնթոնի Բլինքենը թվիթերյան իր միկրոբլոգում անդրադարձել է Վաշինգտոնում ՀՀ և Ադրբեջանի ԱԳ նախարարների միջև տեղի ունեցող բանակցություններին՝ գրելով.
«Երկխոսությունը Հարավային Կովկասի տարածաշրջանում կայուն խաղաղության հասնելու բանալին է»։
