Վանք գյուղի դպրոցի առաջին դասարանի երեխաները ծնողների և ուսուցիչների հետ գնացել էին Գանձասարի վանք` ստանալու վանահոր օրհնությունը։ Հաղորդում է Արցախի թեմը։ Հոգեշնորհ Տեր Սահակ վարդապետ Շաքարյանի առաջնորդությամբ բոլորով միասին աղոթք վերառաքեցին առ Աստված` հանուն խաղաղ և բարօր ապագայի:
Փոքրիկ դպրոցականները խոստացան, որ լավ կսովորեն և, հատկապես, կիրակի օրերին իրենց ծնողների հետ կմասնակցեն Սուրբ Պատարագին։
