H5N1 թռչնագրիպը կարող է արդյունավետորեն վարակել կզաքիսերին՝ չնայած նախկինում ենթադրվում էր, որ այն վարակում է միայն թռչուններին: Սա նշանակում է, որ վիրուսը կարող է հարմարվել մարդուն վարակելուն: Տորոնտոյի համալսարանի ուսումնասիրությունը քննարկվում է Nature ամսագրում:
H5N1-ը թռչնագրիպի շտամ է, որն առաջացրել է բռնկում 2023 թվականին։ Ամբողջ աշխարհում գրանցվել է մարդկանց վարակման 900-ից պակաս դեպք, այսինքն՝ վիրուսը գրեթե երբեք չի վարակում մարդուն։ Ընդ որում, այժմ վիրուսը սպանում է հիվանդների գրեթե 50 տոկոսին։ Թռչնագրիպը սովորաբար փոխանցվում է վարակված թռչնի հետ սերտ շփման միջոցով ՝ կենդանի կամ սատկած:
Նոր ուսումնասիրության ընթացքում գիտնականները վարակել են կզաքիսերին H5N1 չորս շտամներից մեկով: Կզաքսի շնչուղիները նման են մարդու շնչուղիներին, ինչը փորձագետներին պատկերացում է տվել, թե ինչպես վիրուսը կարող է փոխազդել մարդկանց հետ:
Վարակված թռչնից արտազատված H5N1-ը մահվան պատճառ է դարձել կզաքիսերի շրջանում։ Սա նշանակում է, որ շտամը կարող է զարգացնել որոշակի հարմարվողականություններ, որոնք թույլ են տալիս վիրուսի ավելի արդյունավետ փոխանցում եւ վերարտադրություն:
Գիտնականները նախազգուշացրել են, որ եթե նման շտամը հասնի մարդկանց, հետեւանքները կարող են աղետալի լինել պոպուլյացիոն իմունիտետի բացակայության պատճառով: Սա կարող է հանգեցնել վիրուսի նոր համավարակի, որը շատ ավելի մահացու է, քան SARS-CoV-2 համավարակը: Աշխատանքի հեղինակները կոչ են արել հնարավորինս շուտ պատվաստանյութ մշակել մարդկանց համար եւ, հնարավոր է, սկսել թռչունների զանգվածային պատվաստումը:
