Հայաստանի ազգային հավաքականի նախկին դարպասապահ և գլխավոր մարզիչ Ռոման Բերեզովսկին գնահատել է Մոսկվայի «Դինամոյի» կիսապաշտպան Արսեն Զախարյանի ներկայիս խաղամակարդակը:
«Նման ելույթները սպասելի են: Այսքան երիտասարդ տարիքում դժվար է միանգամից բարձր մակարդակի ֆուտբոլ ցուցադրելն ու կայունություն պահպանելը:
Մրցակիցը սովորում է քո գործողություններին և հասկանում՝ ինչպես խաղալ քո դեմ: Կարծում եմ, որ Արսենը բավականաչափ պինդ չէ և երբեմն միկրովնասվածքներ է ստանում:
Դրան գումարած, նրա անձի շուրջ խոսակցությունները ազդում են կենտրոնացվածության վրա: Այդ պահը պետք է հաղթահարել ու քեզ դնել ճիշտ գծի վրա: Հստակ է, որ նա շատ տաղանդավոր է, բայց հիմա այդքան վառ ելույթներ չի ունենում:
Այս պահին չեմ կարծում, որ նրա ֆուտբոլը համապատասխանում է եվրոպական մակարդակին: Նա պետք է ավելացնի, որպեսզի նրանով սկսեն հետաքրքրվել»,- Բերեզովսկիի խոսքը մեջբերում է «РБ Спорт»-ը:
Ընթացիկ մրցաշրջանում Զախարյանը «Դինամոյի» կազմում մասնակցել է 31 խաղի, խփել չորս գոլ, կատարել 7 գոլային փոխանցում:
