Հայաստանը, Ադրբեջանն ու Ռուսաստանը բանակցություններ չեն վարում ինքնիշխան երկրների տարածքով «արտատարածքային միջանցքի» բացման շուրջ։ Այս մասին չորեքշաբթի տեղի 24News պորտալին տված հարցազրույցում հայտարարել է Հայաստանում Ռուսաստանի դեսպան Սերգեյ Կոպիրկինը։
«Ռուսական դիրքորոշումը բազմիցս և հստակ արտահայտվել է հրապարակայնորեն այդ հանձնաժողովի մեր համանախագահի՝ փոխվարչապետ Ալեքսեյ Օվերչուկի կողմից (տարածաշրջանում հաղորդակցությունների բացման հարցերով Հայաստանի, Ադրբեջանի և Ռուսաստանի փոխվարչապետների եռակողմ աշխատանքային խումբ-խմբ.)առ այն, որ ոչ մի միջանցքային տրամաբանության մասին խոսք չկա», - պատասխանել է նա լրագրողի հարցին։
Ադրբեջանական կողմն ավելի վաղ հայտարարել էր Հայաստանի տարածքով «Զանգեզուրի միջանցք» բացելու անհրաժեշտության մասին, որը պետք է Ադրբեջանի հիմնական մասը միացնի Նախիջեւանի Ինքնավար Հանրապետությանը, գրում է ՏԱՍՍ-ը։