Այս մասին «Արցախպրես»-ի թղթակցի հետ զրույցում տեղեկացրեց Ասկերանի շրջվարչակազմի ղեկավար Համլետ Ապրեսյանը՝ Ստեփանակերտ-Գորիս միջպետական ճանապարհի արդեն 15 օր փակ լինելու հետևանքով շրջանում տիրող իրավիճակին:
«Ասկերանում շաքարավազի, բանջարեղենի և մրգերի խնդիր ունենք: Ձավարեղեն չկա: Սպառման եզրին են ծխախոտն ու հիգիենայի պարագաները: Առկա ապրանքատեսակները շարունակվում են վաճառվել նախկին գներով։ Խանութներն այս պահին դեռ մի կերպ բավարարում են պահանջները, բայց այսպես տևական շարունակվելու դեպքում իրավիճակը կբարդանա»- ասաց շրջվարչակազմի ղեկավարը՝ հավելելով, որ ասկերանցիները հոժարակամ են ընդունել խնայողության ռեժիմի անցնելու գաղափարը:
