Արցախի Հանրապետության «Արևիկ» բուժմիավորման վերակենդանացման բաժանմունքում պառկած է 10 երեխա, մեկը ծայրահեղ ծանր վիճակում է։ Այս մասին 24News-ին ասաց Արցախի Հանրապետության առողջպահության նախարարության մամուլի քարտուղար Անգելինա Իսախանյանը։
Իսախանյանի խոսքերով, 4-ամսական երեխայի մոտ հայտնաբերվել է Վիսցերալ լեյշմանիոզ, նրա կյանքին վտանգ է սպառնում։ Լաչինի միջանցքի փակման պատճառով հնարավոր չի լինում 4-ամսական երեխային տեղափոխել Երևան, նրա ախտորոշումը տրվել էր շաբաթ օրը։
Հիշեցնենք, դեկտեմբերի 12-ի առավոտյան ժամը 10։30-ից «բնապահպան» ներկայացող մի խումբ ադրբեջանցիներ փակել են Հայաստանն Արցախին կապող Գորիս-Ստեփանակերտ մայրուղին (Լաչինի միջանցք) Շուշի – Քարին տակ հատվածում։
