ԲԴԽ անդամներից յուրաքանչյուրին ամսական կվճարվի հավելյալ շուրջ 500 000 դրամ, իսկ ԲԴԽ նախագահին` 665 հազար դրամ:

Խորհրդարանը 59 կողմ, 6 դեմ ձայների հարաբերակցությամբ ԱԺ–ն երկրորդ ընթերցմամբ ընդունեց «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ կատարելու օրենքի նախագիծը։

Բարձրագույն դատական խորհուրդը կազմված է 10 անդամից: Բարձրագույն դատական խորհրդի նախագահի պաշտոնային դրույքաչափը 1 331 200 դրամ է, իսկ դրա 50 տոկոսը կազմում է 665.600 ՀՀ դրամ։ Այսպիսով` Կարեն Անդրեասյանն ամսական 1 996 800 դրամ աշխատավարձ կստանա։

Բարձրագույն դատական խորհրդի անդամի պաշտոնայի դրույքաչափը 998 400 ՀՀ դրամ է, դրա 50 տոկոսը՝ 499.200 ՀՀ դրամ։ ԲԴԽ անդամները ամսական կստանան 1 497 600 դրամ վարձատրություն։

Ի դեպ, այս փոփոխությունը օրենքում, 2023թ–ի բյուջեի համար լրացուցիչ 61.900.800 ՀՀ դրամ ծախս է ենթադրում։