Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում.Այս մասին հայտնում է ՌԴ ՊՆ-ն։

Երեսուն դիտակետերում ռուս խաղաղապահները շուրջօրյա վերահսկում են հրադադարի ռեժիմի պահպանումը։

Արձանագրվել է հրադադարի պահպանման ռեժիմի մեկ խախտում. Մարտունու շրջանի Ավդուր գյուղի մերձակայքում ադրբեջանական զինուժի դիտակետից հրաձգային զինատեսակներից կրակ է բացվել գյուղատնտեսական աշխատանքներ կատարող տրակտորի վրա։

Գնդակոծության հետևանքով զոհեր և վիրավորներ չկան։ Միջադեպը հետաքննում է ռուսական խաղաղապահ զորախմբի հրամանատարությունը՝ համագործակցելով ադրբեջանական և հայկական կողմերի ներկայացուցիչների հետ։