Ներկայացնում ենք այսօր Սոչիում ՌԴ նախագահ Վլադիմիր Պուտինի հրավիրած եռակողմ՝ Փաշինյան-Ալիև-Պուտին, բանակցությունների արդյունքում հաստատված եռակողմ համաձայնեցված հայտարարության տեքստը․
Հաստատեցինք հանձնառությունը` խստորեն հետևել նշված պայմանավորվածություններին ի շահ ադրբեջանա-հայկական հարաբերությունների համակարգային կանոնակարգմանը, խաղաղության, կայունության, անվտանգության և Հարավային Կովկասում կայուն տնտեսական զարգացման ապահովմանը։
Պայմանավորվեցինք զերծ մնալ ուժի կիրառումից կամ սպառնալիքի կիրառումից, քննարկել և լուծել բոլոր խնդրահարույց հարցերը բացառապես ինքնիշխանության, տարածքային ամբողջականության և սահմանների անձեռնմխելիության փոխադարձ ճանաչման հիման վրա՝ համաձայն ՄԱԿ-ի կանոնադրության և Ալմա-Աթայի 1991թ. հռչակագրի։
Ընդգծեցինք Ադրբեջանի Հանրապետության և Հայաստանի Հանրապետության միջև խաղաղության պայմանագրի կնքման ակտիվ նախապատրաստման կարևորությունը՝ տարածաշրջանում կայուն և երկարաժամկետ խաղաղության հասնելու համար։ Առկա զարգացումների հիման վրա պայմանավորվածություն է ձեռք բերվել շարունակել փոխընդունելի լուծումների որոնումը։
Ռուսաստանի Դաշնությունը դրան ամեն կերպ կաջակցի։
Կարևորեցինք Ադրբեջանի և Հայաստանի միջև դրական մթնոլորտի ձևավորումը` շարունակելու համար հասարակության տարբեր շերտերի, փորձագիտական հանրության ու կրոնական առաջնորդների միջև երկխոսությունը Ռուսաստանի աջակցությամբ, ինչպես նաև եռակողմ միջպրիմենտական շփումները երկու ժողովուրդների միջև վստահության ամրապնդման նպատակով։
Ադրբեջանի Հանրապետության և Հայաստանի Հանրապետության առաջնորդները ողջունել են Ռուսաստանի Դաշնության պատրաստակամությունը այսուհետ նույնպես Հայաստանի և Ադրբեջանի միջև հարաբերությունների կարգավորմանը նպաստելու, Հարավային Կովկասում կայունություն և զարգացում ապահովելու համար։
Ադրբեջանի Հանրապետության նախագահ, Հայաստանի Հանրապետության վարչապետ, Ռուսաստանի Դաշնության նախագահ`
Ի. Հ. Ալիև
Ն.Վ. Փաշինյան
Վ. Վ. Պուտին»։
