ՀՀ ԱՆ ՔԿՎ հանրային կապերի բաժինը պարզաբանում է ներկայացրել՝ «Արմավիր» ՔԿՀ-ի դատապարտյալի կողմից բարձրացված հարցի առնչությամբ:
Պարզաբանման մեջ մասնավորապես ասվում է.
Մայիսի 17-ին զանգվածային լրատվության միջոցներով հրապարակված «Արմավիր» քրեակատարողական հիմնարկի դատապարտյալ Արմեն Շամիրյանի «ահազանգի» համաձայն՝ նա «մայիսի 15-ին նամակներ է փոխանցել ՔԿՀ վարչակազմին՝ դրանք հասցեատերերին ուղարկելու համար: Սակայն ՔԿՀ աշխատակիցները հրաժարվել են նամակները վերցնել»:
Վերոգրյալի կապակցությամբ հայտնում ենք, որ նշվածն իրականության հետ կապ չունի: Փաստն այն է, որ Ա.Շամիրյանի նամակները քրեակատարողական հիմնարկում օրենքով սահմանված կարգով ընդունվել են:
Տեղեկացնենք, որ «Արմավիր» քրեակատարողական հիմնարկից նամակներն առաքվում են շաբաթը միայն երկու օր՝ երեքշաբթի և ուրբաթ՝ առավոտյան ժամերին:
00:00:00
