Թուրքական «Sabah» թերթը, հղում անելով իր, այսպես կոչված, վստահելի աղբյուրներին, գրում է, որ հոկտեմբերի 6-ին Պրահայում Եվրոպական քաղաքական ընկերակցության ղեկավարների հետ հանդիպման շրջանակում կայանալու է Նիկոլ Փաշինյան- Ռեջեփ Թայիփ Էրդողան հանդիպումը։
Թուրքական լրատվամիջոցը նշում է, որ հանդիպման ընթացքում քննարկվելու են հայ-թուրքական հարաբերությունները՝ այդ թվում հատուկ ներկայացուցիչների հանդիպումը ոչ թե երրորդ երկրում, այլ՝ Հայաստանում կամ Թուրքիայում անցկացնելու հնարավորությունը։ Նշվում է նաև, որ Էրդողանը Փաշինյանին փորձելու է համոզել, որ Ադրբեջանի հետ կնքվի «վերջնական», այսպես կոչված, «խաղաղության պայմանագիր»։ Հայաստանի տարածքով միջանցք ստանալու համար ևս, բնականաբար, Էրդողանը, փորձելու է ճնշում գործադրել Փաշինյանի վրա։
Նշենք, որ հայկական կողմից առայժմ տեղեկատվություն չկա ոչ այն մասին՝ կմեկնի՞ ՀՀ վարչապետը Պրահա, թե՞ ոչ, ոչ էլ՝ նման հանդիպում նախատեսվա՞ծ է, թե՞ ոչ։
